बर्दघाटमा बिद्यालय नर्स सेवा प्रभावकारी बन्दै,अविभावक समेत ढुक्क 

नवलपरासी,पश्चिम्

बर्दघाट नगरपालिकाका  सामुदायिक माध्यमिक विद्यालयहरूमा सञ्चालन भएको ‘एक विद्यालय, एक नर्स कार्यक्रम’ प्रभावकारी बन्दै गएको छ ।

विद्यालमै नर्स पठाएर स्वास्थ्य सेवा दिएसँगै विद्यार्थी सामान्य स्वास्थ्य जाँच र औषधीका लागि अन्यत्र जानुपर्ने बाध्यताबाट मुक्त भएका छन् । विद्यालयमै सामान्य स्वास्थ्य सेवासहित पढ्न पाउँदा विद्यार्थी पनि खुसी देखिन्छन् ।बिद्यालयमै सामान्य उपचार हुने भएपछि अविभावक पनि ढुक्क हुने गरेका छ्न ।

बर्दघाट नगरपालिकामा कार्यरत स्टाफ नर्स सविना रुपाखेतीले विद्यार्थीलाई रोग लागेपछि उपचार गर्नुभन्दा रोग लाग्नबाट कसरी बच्न सकिन्छ भन्नेबारे समेत जानकारी दिँदै आएको बताउनुहुन्छ ।सामान्य ज्वरो,रुघाखोकी,पेट दुखेको र सामान्य चोटपटक लागेको जस्ता बिरामी विद्यार्थीहरुलाई विद्यालयमै औषधि खुवाईने र अधिकाङ्स विद्यार्थीहरु निको हुने गरेको उहाँले बताउनु भयो ।”हामिले उपचार गर्न नसक्ने निरामी हरुलाई अविभावकहरुलाई खबर गरि मेडिकल,अस्पगरीहरुमा पठाउछौ”रुपाखेतीले भन्नू भयो ।

स्टाफ नर्स भएपछि छात्राहरुले  आफ्ना समस्या खुलेर राख्न पाएका छन् । सेनेटरी प्याड विद्यालयमै पाउँछन् । महिनावारी हुने बेलामा त्यस्ता छात्राहरू विद्यालय नआउने समस्या थियो । स्टाफ नर्स भएको विद्यालयमा  एउटा छुट्टै आराम गर्ने कोठा पनि हुन्छ । त्यसले गर्दा छोरीहरूको विद्यालय आउने क्रम समेत बढ्ने बिश्वास रहेको स्वास्थ्य शाखा प्रमुख माधव ज्ञवालीले बताउनु भयो ।।

बर्दघाट नगरपालिका वडा नम्बर ५ मा रहेको शान्ति  निकुन्ज म मावि का प्रधानाध्यापक विनोद खनालले  विद्यालयमा नर्सको व्यवस्था भएसँगै विद्यार्थीलाई धेरै सजिलो भएको बताउनुहुन्छ । आवश्यक परेको बेलामा अन्य समयमा पनि विद्यार्थीको स्वास्थ्य अवस्थाबारे जानकारी लिने काम हुँदै आएको छ ।विद्यार्थीहरुलाई सरसफाई र स्वास्थ्यका बारेमा समेत विद्यालय नर्स मार्फत जानकारी दिईदै आईएको खनालले बताउनु भयो ।

उक्त कार्यक्रम सञ्चालन भएको विद्यालयमा विद्यार्थीले स्वास्थ्य जाँचको सुविधा विद्यालयमा पाउन थालेपछि अभिभावकसमेत उक्त कार्यक्रमले खुसी हुने गरेको उहाँले जानकारी दिनुभयो ।स्थानिय श्रोतबाट दुईवटा नर्स ब्यवस्थापन गरिएको प्रमुख प्रशासकीय अधिकृत प्रकाश खनालले जानकारी दिनु भयो ।