नवलपरासी काङ्ग्रेसले पार्टी र नेताका विरुद्धमा बोल्नेलाई कारबाही गर्ने

नवलपरासी,पश्चिम्

नेपाली काङ्ग्रेस पश्चिम् नवलपरासीले पार्टी नेतृत्व र पार्टीका विरुद्धमा बोल्नेलाई कारबाही गरिने जनाएको छ ।

नेपाली काङ्ग्रेसका केन्द्रिय सदस्य देवेन्द्र राज कंडेल,प्रदेश महामन्त्री बिक्रम खनाल लगायतको उपस्थितिमा जिल्ला कार्यसमितिको बैठकले यस्तो निर्णय गरेको हो ।

पार्टी र नेताका विरुद्धमा कुनै पनि सार्बजनिक कार्यक्रममा बोल्न नपाईने,आरोप प्रत्यारोप गरी सामाजिक संजालमा लेख्न नपाईने,नकारात्मक टिकाटिप्प्णी गर्न नपाईने लगायतका निर्णय गरिएको छ ।

जिल्ला सभापति अर्जुन कुमार पोखरेलले जिल्लामा रहेका दुई गुटलाई मिलाएर पार्टीलाई एक बनाउनका निम्ति उक्त निर्णय गरिएको जिकिर गर्नुभयो।”एउटा बर्ग चोक चौराहामा सधै अरुलाई गाली गर्ने छ अर्को त्यो गाली सुन्ने बर्ग छ यसले ईमानदार कार्यकर्तालाई असर परेको छ”सभापति पोखरेलले भन्नुभयो ।निर्णय बिरुद्ध उत्रनेलाई पार्टीको बिधान अनुरुप कारबाही गरिने समेत जनाईएको छ ।

जिल्लामा शेखर कोईराला समुहका प्रदेश महामन्त्री बिक्रम खनाल र शेरबहादुर देउवा टिमका केन्द्रिय सदस्य देवेन्द्रराज कंडेलको दुई गुट रहेको छ ।

जिल्ला कार्यसमितिले गरेको निर्णयमा केही नेतृत्वले सहमति जनाएका छन भने केहिले पार्टी भित्र हुने गलत कदमको बिरुद्धमा बोल्न नदिनु गलत भएको टिप्पणी गरेका छ्न ।

जिल्लामा हुने हरेक कार्यक्रमहरुमा दुबै गुटका नेताले एकअर्काप्रती चर्को आलोचना र आरोप प्रत्यारोप गर्ने गरेका छन ।यसै कारण पनि निर्णय लागू हुनेमा आम कार्यकर्ता नै बिश्वस्त देखिन सकेका छैनन ।