होलीमा असहाय वृद्धाको घर रंग्यायो बदर्घाट जेसिसले

नवलपरासी

बर्दघाट जेसिज बर्ष २०२५ ले होली पर्वका अवसरमा अशक्क्त तथा एकल आमाको घर रंग रोगन गरेको छ । बर्दघाट–४,बाढीपिडीत निवासी ६८ बर्षीय असाहय चन्द्रकला घर्तिका श्रीमानको विगत दुइबर्ष पहिला मृत्यु भएपछि एक्लै वस्दै आउनु भएकी असाहय महिलाको घर र चर्पीमा रंग रोगन गरी बर्दघाट जेसिज बर्ष २०२५ को टिमले यस वर्षको होली पर्व मनाएको छ ।

मानवताको सेवा नै जिवनको सर्बाेत्तम कार्यहो भन्ने मुल मन्त्रका साथ अघि बढेको बर्दघाट जेसिजले बिभिन्न खालका सामाजिक कार्यगर्दै अघिबढी रहेका जेसीज अध्यक्ष मोहन सापकोटाले बताउनु भएको छ।

“हामिले ठूलो काम गरेका त होईनौ तर हामी खुसी हुदा थोरै अरुको खुसिका लागि पनि काम गर्न सकिन्छ भन्ने प्रेरणाकालागी संदेश दिन पनि खोजिएको हो,हुनेले नहुनेलाई सहयोग गरौ यो नै पुण्य हो”सापकोटाले भन्नुभयो ।

असत्यमाथि सत्य र खरावमाथि असल पक्षको विजयको रुपमा लिइने होली पर्वमा दिन दुःखी र असाहयहरुको सहयोग गर्न पाउँदा होली पर्वले मानव जीवनलाई रंगीन र उल्लासमय बनाए झै बर्दघाट जेसीजका सबै सदस्यहरुलाई आज खुशी बनाएको अध्यक्ष सापकोटाको भनाई छ ।बर्दघाट नगरपालिका वडा नं. ४ का वडाध्यक्ष वेदविना तिवारीको हातबाट रंग लगाउन शुरु गरीएको उक्त कार्यमा बर्दघाट जेसीजको टिमलाई सघाउन सामाजिक युवा ब्यक्तिहरुको समेत सहभागिता रहेको थियो ।

चन्द्रकला घर्तिको घरमा लागाउने रंगको सहयोग भने युवा समाज सेवी तथा ब्यवसायी दिनेश न्यौपोनले गर्नु भएको थियो । उहाँले गत वर्ष पनि होलीकै दिन आफुनै गएर एक बृद्धआमाको घर रंगाउन सहयोग गर्नु भएको थियो ।

तस्वीर  :गाउँले दर्पण अनलाईन बाट