महिलाहरूको योगदान बिना समृद्ध समाज सम्भव छैन :संविधानसभा सदस्य खनाल

नवलपरासी

११५ औ अन्तर्राष्ट्रिय नारिदिवसका अवसरमा विभिन्न संघ सस्थाले आज बिविध कार्यक्रम गरि नवलपरासीमा पनि नारी दिवस मनाईएको छ ।यसै बिच नेपाल महिला संघ पश्चिम् नवलपरासीले एक कार्यक्रमको आयोजना गरि अन्तराष्ट्रिय नारी दिवस मनाएको छ ।

महिला संघ जिल्ला सभापति मिठु केसि को अध्यक्षता एवम् सम्बिधान सभा सदस्य,नेपाली काङ्ग्रेस लुम्बिनी प्रदेसका महामन्त्री बिक्रम खनालको प्रमुख आतिथ्यतामा आयोजित कार्यक्रममा बोल्दै नेता खनालले मुलुकमा महिलाहरुको योगदान बिना समृद्ध समाज निर्माण सम्भव नहुने उल्लेख गर्नु भयो ।महिलाहरूलाई समानता सम्मान र शसक्तिकरणको बाटोमा अघि बढाउदै नेतृत्वदायी भुमिकामा पुर्याउनु पर्नेमा खनालले जोड दिनु भयो । 

“आज परिवेश बदलिएको छ,महिलाहरु माथी हुने अन्याय,हिंसा र दमनको खुलेर आवाज उठाउनु पर्छ राज्यका हरेक अवसरमा महिला समेटिनु पर्छ यसका लागि महिला हरु सक्षम र सबल हुन जरुरी छ,हामिले लामो संघर्ष पछि काङ्ग्रेसकै नेतृत्वमा बनेको सरकारले संविधान निर्माण गर्यौ,त्यहा महिलाका अधिकारलाई बलियो रुपमा समेट्यौ”खनालले भन्नू भयो ।

कर्यक्रममा बोल्दै महिला संघ सभापति मिठु केसिले नारी दिवसमा मात्रै नभै हरेक समय महिलाहरु एक भएर अघि बढ्नु पर्ने बताउदै हरेक संघ संगठनमा महिलाहरुको नेतृत्व हुनु पर्ने धारणा व्यक्त गर्नु भयो ।

कार्यक्रममा विभिन्न संघ सस्थामा प्रतिनिधित्व गर्ने महिला नेतृ,नेपाली काङ्ग्रेसका वडा देखि प्रदेश तहका नेतृत्व एवं सरोकारवालाहरुको उपस्थिति रहेको थियो ।कार्यक्रममा जेष्ठ महिलाहरूलाई सम्मान समेत गरिएको छ