नवलपरासीमा दुर्घटनामा परी एकै बर्षमा ४६ जनाको मृत्यु

नवलपरासी ।पश्चिम नवलपरासीमा सवारी दुर्घटनाको दर बढ्दै गएको छ। गत आर्थिक वर्ष २०८१।०८२ मा जिल्लाभर भएका ३७८ वटा सवारी दुर्घटनामा ४६ जनाको मृत्यु भएको छ भने ६०५ जना घाइते भएका छन्। दुर्घटना र मृत्यु हुनेको सङ्ख्या अघिल्लो आर्थिक वर्ष २०८०।०८१ को तुलनामा दोब्बरभन्दा बढी देखिएको छ।

सबैभन्दा बढी द्विचक्रीय सवारी (मोटरसाइकल र स्कुटर) दुर्घटनामा पर्ने गरेको पाइएको छ। गत वर्ष ३ सय ८२ वटा मोटरसाईकल मात्र दुर्घटना भएको छ भने कारजिप ३५, टेम्पो २१, टंक ट्यांकर २९, बस १८ वटा दुर्घटनामा परेका छन् । मृत्यु हुनेमा ३ बालिका सहित ५ महिला र ३८ जना पुरुष रहेका छन् । आर्थिक वर्ष २०८०।०८१ मा एक सय १५ वटा सवारी दुर्घटना हुदा २० जनाको मृत्यु भएको थियो भने १ सय ६६ जना घाइते भएका थिए ।

पछिल्लो समय सडकको अवस्था, चालकको लापरवाही, माधक पर्दाथ तथा लागुऔषधको सेवन गरी सवारी चलाउने आदि कारणले दुर्घटनामा वृद्धि भएको जिल्ला प्रहरी कार्यालयका सूचना अधिकारी डिएसपी विरदत्त पन्तले बताउनुभयो । एक वर्षको अवधिमा ट्राफिक प्रहरीले ८ हजार ३ सय २० वटा सवारी कारवाहीबाट ९६ लाख ५९ हजार राजश्व संकलन गरेको छ ।