ईदुल फित्रमा शुभकामना आदानप्रदान,धार्मिक सहिष्णुता नै नेपालको पहिचान :नगरप्रमुख श्रेष्ठ

नवलपरासी

ईस्लाम समुदायको महत्वपूर्ण पर्दव ईदुल फित्रको अवसरमा शुभकामना आदान प्रदान गरिएको छ ।शित्तलबस्ती मुस्लिम समाज बर्दघाट १६ को आयिजनामा एक कार्यक्रमका बिच सबै समुदाय को उपस्थितिमा ईदुल फित्रको शुभकामना आदान प्रदान गरिएको हो।

नेपाल मुस्लिम संघका निवर्तमान सभापति एंव शितल वस्ती मुस्लिम समाजका अध्यक्ष दाइ करिमदिन शेषकाे अध्यक्षतामा एवं बर्दघाट नगरपालिकाका नगर प्रमूख शम्भुलाल श्रेष्ठ ज्यूकाे प्रमूख अतिथ्यतामा कार्यक्रम सम्पन्न भएको हो ।

कार्यक्रममा बोल्दै नगर प्रमुख श्रेष्ठले ईद पर्वले विविधतायुक्त नेपाली समाजमा विद्यमान सहिष्णुता र सहकार्यको संस्कृतिलाई थप सुदृढ बनाउन मद्दत पुर्‍याएको उल्लेख गर्नु भयो । ईद पर्वले इस्लाम समुदायको मौलिक संस्कृति र परम्पराको संरक्षण र संवर्द्धन गर्न टेवा पुग्ने विश्‍वास ब्यक्त गर्नु भयो ।

मुलुकमा रहेका अनेकौँ जातजाति‚ भाषा‚ धर्म र संस्कृतिलाई एकताको एउटै मालामा गाँसेर संविधानले सबैलाई समान अवसर प्रदान गरेको बताउदै सबै समुदायको अधिकारलाई सुनिश्चित गरेको यो ब्यवस्थालाई परिवर्तन गरेर होईन आवस्यकता अनुरुप बरु परिमार्जन गरेर अघि बढ्न सकिने उल्लेख गर्नु भयो

कार्यक्रममा बोल्दै नगर प्रवक्ता सन्तबहादुर गाहा,वडा नम्बर १६ का अध्यक्ष भिमकाजी गुरुङ,सस्थापक अध्यक्ष सुक बहादुर गुरुङले यस पर्वले नेपालीहरू बीच राष्ट्रिय एकता र सांस्कृतिक ऐक्यवद्धताको भावना सुदृढ गरी सभ्य, समुन्नत र समृद्ध समाज निर्माणकालागि महत्वपूर्ण भुमिका खेल्ने बताउनु भयो ।

नेपाल मुस्लिम संघका निवर्तमान सभापति एंव शितल वस्ती मुस्लिम समाजका अध्यक्ष आदरणिय दाइ करिमदिन शेषले सबैले सबैको धर्म सस्कृतीलाई सम्मान गरेर सबै समुदायबिच भाईचाराको बाताबरण तयार गर्नु पर्ने बताउनु भयो ।