कुमुदिनी विद्यालयद्वारा अविभावकलाई अभिमुखिकरण

बर्दघाटमा अवस्थित कुमुदिनी अङ्रेजी आवासिय माध्यमिक विद्यालयले कक्षा नर्सरी देखि कक्षा ८ सम्म अध्ययनरत बिद्यार्थिहरुका अभिभावकहरुलाइ एक दिवसिय अभिमुखिकरण कार्यक्रम सम्पन्न गरेको छ।

विद्यालय ब्यवस्थापन समिती अध्यक्ष श्री कमला शर्माको अध्यक्ष्यतामा सम्पन्न उक्त कार्यक्रममा बोल्दै अध्यक्ष कमला शर्माले विद्यालयमा बच्चालाई संस्कारि र खुसि बनाउदै विद्यार्थिको बौद्धिक ,शारिरिक तथा मानसिक विकासमा जोड दिनकालागि विद्यालय योजना बनाएर अगाडि बढेको तथा नेतृत्वमा परिवर्तन विद्यालयलाई गति दिनको लागि भएको बताउदै कार्यक्रममा उपस्थित सम्पुर्ण अभिभावकज्युहरुलाइ र सहजकर्ता डाक्टर तारा प्रसाद गिरि ज्युलाइ धन्यवाद ज्ञापन गर्नुभएको थियो।

बिद्यालय सन्स्थापक धिरज शर्माले अभिभावकहरुले आफ्नो दायित्व बोध गरि बालबालिकाहरुलाइ विद्यालयमा सिकाएका कुराहरु दैनिक जिवनमा लागू गराउन सके घर पहिलो पाठशाला भएको सार्थक हुने र विद्यालयमा समय मिलाएर वेला बेलामा आउनुपर्ने कुरामा जोड दिदै पठनपाठनमा बिशेष ध्यान दिनुपर्ने बताउनु भयो। विद्यालयका प्रधानाध्यापक रेश्मिराज बश्यालले कार्यक्रममा उपस्थित अभिभावकहरुलाइ स्वागत गर्दै बिद्यालयले आयोजना गरेको उक्त कार्यक्रम फलदायि बन्ने र कार्यक्रममा सिकेका कुरा जिवन्त बनाउन सवै आ आफ्नो ठाउँबाट लागिपर्नुपर्ने कुरा जोड्दै सहजकर्ताले उत्कृष्ट किसिमको सहजीकरण गर्नुहुने कुरामा आफू विस्वस्त रहेको कुरा उल्लेख गर्नुभयो।

सहजकर्ता डाक्टर तारा प्रसाद गिरिले सफल अभिभावक बन्न आबश्यक पर्ने कुराहरुलाइ जोड्दै बच्चाहरुलाइ तुलना गर्न नहुने, उनिहरुले भनेका कुरा सुनिदिनुपर्ने, बच्चालाइ छनोटको अबसर प्रदान गर्नुपर्ने र जिम्मेवारी सहित सस्कारी बनाउनुपर्ने बताउदै बेला बेलामा शिक्षकहरुलाइ भेटी धन्यबाद दिनुपर्ने लगायतका कुराहरु सहित सहि अभिभावन प्रक्रियालाई निर्देश गर्नुभएको कार्यक्रम ९ -१२ संयोजक केदार चौधरिले सन्चालन गर्नु भएको थियो।