बुद्ध मङ्गल ताल परिसर विभिन्न संघ सस्थाको सहभागीतामा बृहत् सरसफाई

नवलपरासी,पश्चिम्

बर्दघाट नगरपालिकाको सरसफाई अभियान अन्तर्गत बर्दघाट नगरपालिका वडा नम्बर १२ मा रहेको पर्यटकिय स्थल बुद्ध मङ्गल ताल परिसरमा सरसफाई गरिएको छ ।

जनप्रतिनिधि,स्थानिय संघ सस्था,प्रहरीहरुको संयुक्त सहभागीतामा ताल परिसर सरसफाई गरिएको हो ।नगरप्रमुखका १२ अभियान मध्ये सरसफाइ अभियानलाई प्रमुख अभियानको रुपमा समेत समावेस गरिएको छ ।

समुदायमा आधारित सरसफाइ अभियानले आफ्नो घर टोल र बाताबरण सफा राख्नु पर्छ भन्ने संदेश दिन सकिने नगरप्रमुख शम्भुलाल श्रेष्ठले बताउनु भयो ।सबैको सहकार्य र जागरुकताले नै सरसफाइ अभियानले सार्थकता पाउने उहाको भनाई थियो ।आन्तरिक र बाह्र पर्यटनको सम्भावना बोकेका धार्मिक र पर्यटकिय स्थलको सरफाईलाई विशेष ध्यान दिनु पर्ने श्रेष्ठले बताउनु भयो ।यसलाई निरन्तरता दिईने श्रेष्ठले बताउनु भयो ।

सरसफाइ अभियानमा स्थानीयहरुको समेत उल्लेख सहभागी रहेको थियो ।नगरपालिकाले विभिन्न क्षेत्रमा सरसफाइ अभियान सञ्चालन गर्दै आइरहेको छ ।

सरसफाई कार्यक्रममा जहदा सामुदायिक पुस्तकालयभटौलिया,उज्ज्वल आमा समूह दविला,कालिका आमा समूह दविला,बुद्ध मङ्गल टोल विकास समिती , वडा न. १२ को कार्यालय ,सहिद स्मृति अस्पताल चौपत्ता , अस्थायी प्रहरी चौकी भटौलिया,सशस्त्र बर्दघाट, बुद्ध मङ्गल ताल सौन्दर्य करण समिति लगायतका संघ सस्थाहरुको सहभागीता रहेको थियो ।मुलतः भोलि बाट सुरु हुने बर्दघाट साहित्य महोत्सवका लागि सरसफाइ गरिएको हो ।