पर्यटन लगायतका बिकासलाई प्राथमिकता दिन मुख्यमन्त्री सग सांसद चौधरीको आग्रह

नवलपरासी

नवलपरासी क्षेत्र नम्बर १ बाट् निर्वाचित प्रतिनिधि सभा सदस्य बिनोद चौधरीले लुम्बिनी प्रदेशका मुख्यमन्त्री चेतनारायण आचार्य सग बिविध बिषयमा छलफल गर्नु भएको छ ।

छलफलका क्रममा प्रतिनिधि सभा सदस्य चौधरीले आगामी आर्थिक वर्षका लागि प्रदेश सरकारले स्वरोजगार प्रवर्द्धन, स्वास्थ्य सेवा सुधार, सामाजिक सेवा, पूर्वाधार निर्माण तथा लुम्बिनीको पर्यटन विकासलाई प्राथमिकता दिने गरी योजना समेट्न आग्रह गर्नुभयो ।

प्रचुर सम्भावना बोकेका बौद्ध सर्किट सगै समग्र पर्यटन बिकासलाई समेत प्राथमिककता दिएर नागरिकलाई रोजगारी सगै आर्थिक बिकास मा जोड्न सकिने हुदा प्रदेशले यस्ता कार्यक्रमहरुलाई विशेष योजना बनाएर लैजानु पर्ने चौधरीले बताउनु भयो ।

छलफलमा लुम्बिनी प्रदेशका मुख्यमन्त्री चेतनारायण आचार्यले बुद्ध सर्किटलाई आपसमा जोड्न मोनोरेल सञ्चालन गर्ने सम्भावना रहेको बताउनुभएको छ ।

सांसद चौधरीसँग मुख्यमन्त्री तथा मन्त्रिपरिषद् कार्यालय, राप्ती उपत्यका (देउखुरी) मा भएको छलफलमा मुख्यमन्त्री आचार्यले कपिलवस्तु, रुपन्देही र नवलपरासीलाई बुद्ध सर्किटमार्फत जोड्न मोनोरेल सञ्चालन गर्न सकिने आधार रहेको बताउनु भएको हाे । प्रदेश सरकार निजी क्षेत्रसँग साझेदारी गर्दै अगाडि बढ्न सक्ने उहाँको भनाइ छ ।

प्रदेश सरकारले मोनोरेल सञ्चालनका लागि सम्भाव्यता अध्ययन गर्ने र निजी क्षेत्रलाई आकर्षित गर्ने योजना बनाएकाे समेत जानकारी दिनुभयाे ।`बुद्ध सर्किटको योजना प्रदेश सरकारले बनाएको छ । अब यहाँ मोनोरेल चलाउन सकिन्छ´उहाँले भन्नुभयाे-` यसमा निजी क्षेत्रले लगानी गर्न सक्छ ।´

मुख्यमन्त्री आचार्यले गौतम बुद्धको जन्मस्थल लुम्बिनीलाई ब्रान्डिङ गर्ने तथा विश्वभरका बौद्ध धर्मावलम्बीहरूको पहिलो गन्तव्य स्थलका रूपमा विकास गर्न प्रदेश सरकारले पहल गरिरहेको बताउनुभयो । पर्यटन बोर्डमार्फत लुम्बिनीको समग्र विकासलाई जोडेर व्यापक योजना निर्माण गरिने पनि उहाँले उल्लेख गर्नुभयो ।