नवलपरासी
बर्दघाट नगरपालिकाका नगर प्रमुख शम्भुलाल श्रेष्ठले बर्दघाट नगरपालिका खेलकुदको हवको रुपमा अघि बढिरहेको बताउनु भएको छ ।दोस्रो लुम्बिनी प्रदेश लिग फुटबलको शनिबार सुर्यनगर रङ्गशालामा उद्घाटन गर्दै नगरप्रमुख श्रेष्ठले पछिल्लो समय स्थानीय सरकारले युवाहरुलाई खेलकुद मार्फत जोडेर नगरको बिकासमा टेवा पुर्याउने उदेश्यले विभिन्न बिधाका खेलमा बजेट बिनियोजन गर्दै आरहेको उल्लेख गर्नु भयो ।
“अहिले बर्दघाट नगर खेलकुदको हवको रुपमा अघि बढिरहेको छ,यहाँ बाट उत्पादित राष्ट्रिय स्तरका खेलाडीहरुले नगरको नाम राख्न सफल भएका छ्न,हामिले यो बिरासतलाई थप बलियो बनाएर लैजानु पर्छ यसमा सबै खेलप्रेमीहरुको साथ रहेकोमा हामी हर्षित पनि छौ”श्रेष्ठले भन्नु भयो ।
उद्घाटन सत्रको खेल राईजिङ स्टार,पश्चिम नवलपरासी र फर्साटिकर ,रुपन्देहीका विच भएको खेल बराबरीमा टुङगीएको छ । पहिलो हाफमा दुै टिमवाट कुनै पनि गोल हुन सकेन भने दोस्रो हाफको केहि समयमा फर्साटिकर ,रुपन्देहीले एक गोल गरी खाता खोल्न सफल भएकोे थियो । फर्साटिकरले गोल गरेसंगै तातिएको राईजिङ स्टार,पश्चिम नवलपरासीले दोस्रो हाफको अन्तीम ४ मिनेट समय रहदा एक गोल गरेपछि खेल बरावरीमा टुङगीएको हो ।लिग रहेको खेलमा पेनाल्टी भने नहुने र सोही आधारमा अंक प्राप्त हुने छ ।
लुम्बिनी प्रदेश फुटबल संघको आयोजना ,अखिल नेपाल फुवटल संघ संरक्षक ,बर्दघाट नगरपालिका र प्रदेश खेलकुद परिषद लुम्बिनी प्रवद्र्धक रहेको प्रतियोगितामा लुम्बिनी प्रदेशका ७ टिमको सहभागिता रहेको आयोजक संस्थाका महासचिव भिमकाजी गुरुङले जानकारी दिनु भयो ।
चैत्र ८ गते सम्म सन्चालन हुने प्रदेश लिग फुटबल प्रतियोगितामा प्रथम हुने टिमले २ लाख २२ हजार २ सय २२ र द्वितीय हुने टिमले १ लाख ११ हजार १ सय ११ रुपैयाँ नगद सहित सिल प्राप्त गर्ने लुम्बिनी प्रदेश फुटवल संघका अध्यक्ष अजीतराज भण्डारीले बताउनु भएको छ ।
प्रतियोगितामा धम्बोजी क्लव बाके,राईजिङ स्टार सामुदायिक प्रतिष्ठान नवलपरासी,फर्साटिकर युवा क्लव रुपन्देही,न्यु स्टार फुटवल एकेडेमी दाङ,जनजागृती युवा क्लव बर्दिया,न्यु युथ युनियन क्लव पाल्पा,गोल्डेन स्टार युवा क्लव कपिलबस्तु गरि साटवटा जिल्लाका ७ टिमको मात्र सहभागिता रहेको लुम्बिनी प्रदेश फुटबल संघका उपाध्यक्ष होम क्षेत्रीले बताउनु भएको छ ।
लुम्बिनी प्रदेश फुटबल संघका अध्यक्ष अजीतराज भण्डारीको अध्यक्ष र बर्दघाट नगर प्रमुख शम्भुलाल श्रेष्ठको प्रमुख आतिथ्यतामा शुरु गरीएको हो।
कार्यक्रममा अखिल नेपाल फुटबल संघका केन्द्रिय उपाध्यक्ष दिर्घबहादुर के.सी. (कुमार) लगाएतको उपस्थिती रहेको थियो ।