सहकारी संस्थाहरुलाई कम्प्युटर हस्तान्तरण

नवलपरासी

बर्दघाट नगरपालिकाले नगर भित्र रहेका सहकारीहरुलाई प्रविधी हस्तान्तरण गरेको छ ।मुलतः नगर भित्र रहेका रासायनिक मल बितरण गर्ने ८ वटा सहकारीहरुलाई ल्यापटप हस्तान्तरण गरिएको हो ।

लागत साझेदारी अन्तर्गत नगरको रु ४ लाख र सहकारीहरुको ३ लाख गरी ७ लाख मूल्य बराबरको कम्प्युटर हस्तान्तरण गरिएको हो ।

कम्प्युटर हस्तान्तरण गर्दै नगरप्रमुख श्रेष्ठले ल्यापटप प्राप्त गर्ने सहकारीहरुलाई यसले दैनिक कामकाजमा सहज हुने उल्लेख गर्दै सहकारीहरुले समावेशी रुपमा कृषकहरूलाई रासायनिक मल बितरण गर्न निर्देशन दिनु भयो ।पहुँचका अधारमा मल बिक्री बितरण नगर्न आग्रह गर्दै नगर प्रमुख श्रेष्ठले सहकारीको मर्म अनुरुप नै काग गर्नु पर्नेमा जोड दिनु भयो ।

प्रमुख प्रशासकीय अधिकृत प्रकाश खनालले नगरपालिकाले सहकारी सस्थाहरुलाई पारदर्शी र ब्यवस्थित रुपमा अगाडि बढाउन प्रविधिहरु सहायक सिद्ध हुने उल्लेख गर्नु भयो ।