क्रान्तिकारी महिला संगठन नवलपरासीद्वारा अन्तराष्ट्रिय श्रमिक महिला दिवस कार्यक्रम सम्पन्न

नवलपरासी – मोहन बैद्य ‘किरण’ क्रान्तिकारी कम्युनिस्ट पार्टी, नेपाल निकट क्रान्तिकारी महिला संगठन नवलपरासीद्वारा बर्दघाट–४ दिब्यनगरमा एक कार्यक्रमबीच ११५ औं अन्तराष्ट्रिय श्रमिक महिला दिवस कार्यक्रम सम्पन्न गरिएको छ ।

कार्यक्रममा क्रान्तिकारी कम्युनिस्ट पार्टी, नेपालका केन्द्रीय सदस्य तथा जिल्ला ईन्चार्ज क्षेत्र बहादुर थापा र जिल्ला सेक्रेटरी रवि पाण्डेयले क्रान्तिकारी महिला आन्दोलन कम्युनिस्ट आन्दोलनको एक हिस्सा रहेको औल्याउनुभयो ।

कार्यक्रममा सहिद तथा बेपत्ता परिवार समाजकी जिल्ला संयोजक उर्मिला थापा र क्रान्तिकारी महिला संगठन नेपालकी जिल्ला संयोजक मुक्तमाया महतोले जिल्लाको हकमा महिला आन्दोलन बर्गसंर्घषको एक जिम्मेवार कार्य रहेकोले महिलाहरु संगठित भएर अगाडी बढनुपर्ने उल्लेख गर्दै संसदवादी भम्रहरु चिर्दै अगाडी बढनु आवश्यक रहेको चर्चा गर्नुभयो ।

कार्यक्रमको अखिल (क्रान्तिकारी) जिल्ला सदस्य आर्जु ढकालले संचालन गर्नुभएको थियो । कार्यक्रममा क्रान्तिकारी युवा संघ नेपालका संयोजक राम प्रसाद अर्गेजा , अखिल नेपाल राष्ट्रिय शिक्षक संगठनका जिल्ला संयोजक बोल्गा नेपाल , सहिद परिवार धनकुमारी सुनारलगायतको आतिथ्यता थियो ।

कार्यक्रम पछि तीनवटा महिला संगठनहरु अनेमसंघ (क्रान्तिकारी) ,अनेमसंघ(क्रान्तिकारी) र अखिल नेपाल महिला संघबीच एकता घोषणा गरिएको थियो । यस अघि नेकपा(क्रान्तिकारी माओवादी) नेकपा( बहुमत)को महत्वपुर्ण हिस्साबीच एकता सम्पन्न भएको थियो भने अहिले नेकपा(मशाल) सम्बद्ध महिला संगठनलाई समेत एकीकृत गरेर क्रान्तिकारी महिला संगठन नेपाल पुर्नगठन गरिएको हो ।
जस अन्तरगत मुक्तमाया महतोकै संयोजकत्वमा २१ सदस्सीय क्रान्तिकारी महिला संगठन, नेपाल जिल्ला संगठन समिति बनाइएको छ ।