बर्दघाटको रिफ्रेस सेन्टर : प्रयोगमा नआउँदै उप्किन थाल्यो

पश्चिम् नवलपरासीको बर्दघाटमा रहेको रिफ्रेस सेन्टर अझै सञ्चालनमा आउन सकेको छैन ।सञ्चालनमा नआउदै भवन जिर्ण हुने अवस्थामा पुग्न थालेको छ ।ठाउँ ठाउँमा उप्किन थालेको छ ।

२०७७ सालमा लुम्बिनी प्रदेशका तत्कालिन मुख्यमन्त्री शङ्कर पोखरेलले पूर्व पश्चिम राजमार्गमा लामो दुरीको यात्रामा गाडी रोक्ने, स्वास्थ्यकर खाना, नास्ता र केही समय आराम गर्ने उपयुक्त ५ स्थानमा रिफ्रेस सेन्टर निर्माणको सुरुवात गरेका थिए ।अहिले लुम्बिनी प्रदेशमा निर्माण गरिएका कुनै पनि रिफ्रेस सेन्टर संचालनमा आउन सकेका छैनन ।

केही समय अघि लुम्बिनी प्रदेशको खानेपानी तथा शहरी बिकास मन्त्रालयले रिफ्रेस सेन्टर सञ्चालनको मोडालिटी तयार गरी सम्बन्धित स्थानिय तहलाई हस्तान्तरण गर्ने तयारी गरेपनि यसले पुर्णता पाउन सकेको छैन ।यता हस्तान्तरण नगर्दै संरचना हरु भत्किन थालेका छन ।

बर्दघाटको रिफ्रेस सेन्टर बाटोको सतहभन्दा निकै गहिरो स्थानमा छ।माटो फिलिङ लगायतका अन्य संरचना भने निर्माण गर्नै बाकी छ ।केही फिनिसिङ र अन्य बाह्य संरचना निर्माण बाकी रहदै बनेको भवन समेत जिर्ण हुन थालेकोमा स्थानियले चिन्ता व्यक्त गरेका छ्न ।”सरकारी काम कहिले जाला घाम,कस्लाई के स्वाद भो र”एक स्थानियले भने ।

पहिलो चरणमा संचालनमा ल्याईने र अब केहि समयमै स्थानीय तहलाई हस्तान्तरण पश्चात् दोस्रो चरणको काम सुरु गरीने शहरी बिकास मन्त्रालय लुम्बिनी प्रदेशका सचिव बासुदेव पौडेलले बताए।
“सञ्चालनका लागि मिनिमन काम गरेर अप्रेसनमा आएपछि मात्रै हस्तान्तरण गर्ने हो,केही कुराहरू मिल्याथिएन अब सबै मिलेको छ अब लगत्तै हस्तान्तरण गर्ने हो”पौडेलले भने ।

थुप्रै काम बाकी छ अनि हस्तान्तरण गरेर मात्रै हुन्छ? भन्ने हाम्रो प्रश्नमा पौडेलले दोस्रो चरणको काम बाकी नै रहेको त्यो भन्दा पहिला संचालनमा ल्याईने बताए ।

सञ्चालनका लागि सम्बन्धित पालिकाको प्रमुख अध्यक्ष र अन्य पदाधिकारीसहितको समिती रहने गरि रिफ्रेस सेन्टर संचालनका लागि कार्यबिधि तयार गरिएको छ ।यता निर्माणका चरणमा भने स्थानिय तह सग कुनै समन्वय गरिएको थिएन ।रिफ्रेस सेन्टरमा गुणस्तरहिन काम भैरहेको स्थानीय गुनासो पछि झण्डै डेड बर्ष अघि बर्दघाट नगरपालिकाले निर्माणमा रोक लगाएको थियो ।

लामो समयदेखि निर्माणाधिन अवस्थामा रहेका बर्दघाट सहित लुम्बिनी प्रदेशका तीन स्थानका रिफ्रेस सेन्टरहरुको सञ्चालनको जिम्मा स्थानिय तहलाई दिइने गरि यसको मोडालिटी तयार गर्न लागिएको छ ।हस्तान्तरण गरेपछि पनि थुप्रै काम बाकी रहने हुदा तत्कालै सञ्चालनमा आउने सम्भावना भने देखिदैन ।