कावासोती वडा नम्बर १ का अध्यक्ष मियाको निधन

नवलपरासी

कावासोतीमा वडा अध्यक्षको निधन भएको छ ।जिल्ला प्रहरी कार्यालयका पुर्वी नवलपरासीका अनुसार कावासोती नगरपालिका वडा नम्बर १ का वडा अध्यक्ष तवारक अहमद मियाको शनिवार एमालेद्धारा गैडाकोटमा आयोजित एक कार्यक्रममा कुर्चीमा बसी रहेको अबस्थामा निधन भएको बताईएको छ ।

बसी रहेकै कुर्चीमा बेहोस भएपछि चितवन स्थित अस्पताल लैजादै गर्दा उहाको मृत्यु भएको प्रहरीले जनाएको छ । युवा संघ नवलपुरको १० औ अधिवेशनको उद्घाटन सत्रमा स्वागत मन्तव्य ब्यक्त गरि कुर्सीमा आएर बस्नु भएका वडा अध्यक्ष मिया कुर्चिमै बेहोस हुनुभएको थियो ।

वडा अध्यक्ष मियालाई दिउँसो २:३० बजे चितवन मेडिकल कलेजमा चिकित्सकले मृत घोषणा गरेको जिल्ला प्रहरी कार्यालय पुर्वी नवलपरासीका सुचना अधिकारी डिएसपी जेसी शाहाले हाम्रो आँखालाई जानकारी दिनु भयो ।

एमालेवाट वडा अध्यक्षमा निर्वाचित मिया ३६ वर्षको रहेको बताईएको छ ।उहाँलाई उच्च रक्तचाप रहेको र हृदयघातका कारण मृत्युु भएको बताईएको छ।