सार्वजनिक पोखरीहरको संरक्षण गरी ठेक्का मार्फत राजस्व संकलन गर्दै नगरपालिका

नवलपरासी,पश्चिम्

बर्दघाट नगरपालिकाले नगरभित्र रहेका सार्वजनिक पोखरीहरु संरक्षणका लागि गत आ.ब. बाटै समिती निर्माण गरी पोखरीहरुको अभिलेखिकरण गरेको छ ।

नगरको क्षेत्राधिकार भित्र रहेका पोखरीहरु स्थानिय क्लव संघ सस्थाले प्रयोग गरी त्यसको संरक्षण गर्दै आईरहेकोमा अहिले नगरपालिकाले ती पोखरीहरु ठेक्का लगाउन थालेको हो ।नगर भित्र रहेका १८ ओटा पोखरी मध्ये ९ वटा पोखरी ठेक्का लागेको प्रमुख प्रशासकीय अधिकृत प्रकाश खनालले जानकारी दिनुभयो ।पोखरीहरुलाई कृषि र उत्पादन सग जोडेर आर्थिक उन्नति गर्न सकिने खनालले खनालले बताउनुभयो ।

नगरपालिकाले त्यसबाट ठूलो आम्दानी गर्ने भन्दा पनि सार्वजनिक पोखरीहरुको संरक्षणले अतिक्रम हुन बाट रोक्ने र पालिकाको राजस्वमा वृद्धिमा समेत सहयोग हुने हुँदा निश्चित मापदण्ड बनाएर ठेक्का लगाएको नगरप्रमुख शम्भुलाल श्रेष्ठले बताउनु भयो ।सार्वजनिक पोखरीहरु संरक्षकणका लागि बजेट बिनियोजन गरिएको नगर प्रमुख श्रेष्ठले जानकारी दिनुभयो ।

एउटा पोखरी ५० हजार देखि डेढ लाख रुपैयाँ सम्म बार्षिक रुपमा ठेक्का लागेको छ ।अन्य बाकि ९ वटा पोखरीहरुको समेत ठेक्का आह्वान गरिएको नगरपालिकाले जनाएको छ । नगरपालिकाले सार्बजनिक पोखरी अतिक्रमण गरी बनाईएका संरचनाहरु भत्काएको थियो ।