शिक्षालाई श्रम उत्पादन र रोजगार सग जोडेर बजारीकरण गरौं : सांसद भुसाल

मुक्ति तिवारी
नवलपरासी,पश्चिम्

संघीय सांसद एवम् शिक्षा समिती सदस्य सरिता भुसालले अबको शिक्षालाई श्रम र उत्पादन सगै जोडेर त्यसको बजारीकरण गर्नु पर्नेमा जोड दिनुभएको छ।अबको शिक्षा सीप र संस्कारयुक्त हुनुपर्ने बताउदै साम्सद भुसालले शिक्षालाई रोजगार सग जोड्नु पर्ने बताउनु भयो।

बर्दघाट नगरपालिकाले आयोजना गरेको शैक्षिक मेलाको उद्घाटन गर्दै भुसालले ब्यवाहारिक शिक्षा मार्फत सिपयुक्त दक्ष जनशक्ति उत्पादन गरि रोजगार मुखी बनाउनु पर्ने धारणा ब्यक्त गर्नु भयो ।
“पढेलेखेका मान्छेले अन्य काम गर्नु हुँदैन भन्ने भाष्य निर्माण भयो अनि ती मान्छेहरू काममा नजोडिदा बेरोजगार भए ,अब शिक्षा प्रणालिलाई यहि देशमा बाच्न सक्ने खालको बनाउनु पर्छ”साम्सद भुसालले भन्नुभयो।भुसालले शिक्षा ऎन सदन बाट समितीमा गएको जानकारी दिदै दफावार छलफल पछि ऎन लागू भएपछि सामुदायिक बिद्यालयको शिक्षा प्रणालीको एउटा मापदण्ड तयार हुने उल्लेख गर्नुभयो ।

बर्दघाट नगरपालिकाका नगर प्रमुख शम्भुलाल श्रेष्ठले बर्दघाट नगरपालिकाले पछिल्लो समय प्रविधी मैत्री डिजिटल शिक्षामा जोड दिदै सामुदायिक बिधालयको गुणस्तर सुधारमा प्रयत्न गरिरहेको बताउनु भयो ।नगर प्रमुख श्रेष्ठले प्राविधिक शिक्षा मार्फत शिक्षण सिकाई उपलब्धि मुलक बनाउनु पर्ने उल्लेख गर्नु भयो ।

बर्दघाट नगरपालिकाका नगर उपप्रमुख रुद्र प्रकाश उपाद्या र शिक्षा शाखा प्रमुख लोकराज पन्थिले कतिपय नीति र ऎन निर्माणको अभावमा पनि शिक्षा क्षेत्रमा थप चुनौती देखिएको बताउनु भयो ।
शैक्षिक मेला समृद्ध समुदाय बिकास केन्द्रको सहकार्यमा संचालित रहेको थियो ।शैक्षिक मेलामा विद्यार्थीहरुले तयार पारेका बिज्ञान सामाग्री प्रस्तुत गरिनुका साथै उनुहरुलाई ब्यवहारिक ज्ञान हासिल गर्ने कला कौशलका बारेमा अभ्यास गराईएको छ
।