दिव्यज्योति क्याम्पसकाे भवन शिलान्यास

नवलपरासी। संघीय सांसद सरिता भुषालले शिक्षालाई श्रम, उत्पादन र रोजगारसँग जोड्नु पर्ने बताउनु भयो। अहिलेकाे शिक्षालाई उत्पादनसंग जोड्न नसकिएसम्म युवा पलायन रोक्न नसकिने भुसालको भनाई छ।

बर्दघाट २ मा रहेको दिब्यज्योती बहुमुखी क्याम्पसको पुस्तकालय भवनको शिलान्यास गर्दै भुसालले राज्यले सिपमुलक शिक्षामा लगानी बढाउनु पर्नेमा जोड दिनु भयो। सांसद भुषालले भौतिक पूर्वाधार मात्र बढाउँदै गुणस्तरीय शिक्षा हासिल गर्न नसकिने भन्दै बर्दघाट क्षेत्रमा प्राविधिक शिक्षाको विस्तार आवश्यक रहेको उल्लेख गर्दै उहाँले रोजगारी मुखीको अभावमा युवाको पलायन रोक्न गाह्रो हुने धारणा राख्नु भयाे।

बर्दघाट नगरप्रमुख शम्भुलाल श्रेष्ठले पछिल्लो समय बर्दघाट बाट बाहिर जाने विद्यार्थीलाई गुणस्तरीय शिक्षा प्रदान गर्न सके विद्यार्थी रोकिने उल्लेख गर्नु भयो। क्याम्पस व्यवस्थापन समितिका पूर्वअध्यक्ष वृहस्पति अधिकारीले समान उद्देश्य राख्ने क्याम्पसहरू एकताबद्ध हुन आह्वान र्नु भयो। सांसद भुषालको पहलमा सघन शहरी तथा भवन निर्माण आयोजना (चितवन) मार्फत १ करोड रुपैयाँ लागतमा निर्माण हुने पुस्तकालयको शिलान्याशमा नगर उपप्रमुख रुद्रप्रकाश उपाध्याय, वडाध्यक्ष गणेश बहादुर क्षेत्री लगायत स्थानीय नेतृत्व उपस्थित रहेको थियो।

कार्यक्रम क्याम्पस प्रमुख सागरमणि पाण्डेले क्याम्पसले शैक्षिक तथा भौतिक प्रगतिको बारेमा बोल्दै क्याम्पसले उत्कृट नतिजा दिन सफल रहेको बताउनु भयो। “हामीले बर्दघाट क्षेत्र मात्रै नभई देशको पुरानो विश्वविद्यालयले नै टप गर्ने खालका नतिजा ल्याउन सफल भएका छौं।” पाण्डेले भन्नु भयो।

क्याम्पस व्यवस्थापन समितिका अध्यक्ष पुण्यप्रसाद पौडेलको अध्यक्षतामा भएको कार्यक्रमको सञ्चालन प्राध्यापक शेषकान्त पौडेलले गर्नुभएको थियो।