शिक्षकलाई बिषयगत क्षमता बिकास तालिम

नवलपरासी

नेपाल शिक्षक संघ नवलपरासीले लेखा बिषयका शिक्षकहरुलाई एक दिने क्षमता अभिवृद्धि तालिम प्रदान गरेको छ ।

तालिमबाट शिक्षकलाई विद्यालयमा गरिने शिक्षण सिकाइ पद्दती,गुणस्तर सुधार र शैक्षिक रुपान्तरण गर्न शिक्षण सिकाई विधि र प्रक्रियाको बारेमा सहभागिको ज्ञान र सिपमा अभिवृद्घि भई विद्यालय तहमा पाठ्यक्रममा भएको विषयगत पाठ्यक्रमलाई सहजीकरण गर्ने अपेक्षा अनुरुप तालिमको आयोजना गरिएको हो ।

तालिमको उद्घाटन गर्दै बर्दघाट नगरपालिकाका नगरप्रमुख शम्भुलाल श्रेष्ठले अबको शिक्षा सैद्धान्तिक मात्र नभै ब्य्वाहारिक हुनु पर्ने बताउदै सीप युक्त शिक्षा आजको आवश्यकता भएको उल्लेख गर्नु भयो ।शिक्षकहरु समाजमा सम्मानित पेशा भएकाले यसको मर्यादा र गरिमा महत्वपूर्ण भएकाले विद्यार्थीहरुका लाही ब्यावाहारिक ज्ञान बाढ्न सक्नु पर्ने श्रेष्ठले बताउनु भयो ।

“जसरी एउटा बोटेले डुङ्गा तारेर सबैलाई गन्तब्यमा पुर्याउछ त्यसरी नै शिक्षकले पनि सबैलाई सुनिश्चित गन्तब्यमा पुर्याउछ”उहाँले भन्नू भयो ।

तालिमले पछिल्लो समयको पाठ्यक्रम र यसमा देखिएका केही बिषयगत समस्याको निदानमा समेत मद्दत पुग्ने र शिक्षण सिकाई थप उपलब्धिमुलक हुने बिश्वास सहित तालीको आयोजना गरिएको शिक्षक संघ नवलपरासीका अध्यक्ष भोजराज चापागाईंले बताउनु भयो ।

कार्यक्रममा दाउन्नेदेवी माबिका प्रधानाध्यापक नेत्रलाल न्यौपानेले पेशागत हकहित सुरक्षाका लागि मात्रै नभै तालिमहरु क्षमता अभिबृदीका लागि सहायक शिद्द हुने बताउनु भयो ।

तालिमको सहजीकरण पुर्वान्चल विश्वविद्यालयका पुर्व भिसी प्रोफेसर डा.यादवराज कोईरालाले गर्नु भएको थियो ।