अपाङ्गता भएका ब्यक्तिलाई रामग्राम नगरपालिकाद्वारा न्यानो लुगा बितरण

नवलपरासी

पश्चिम नवलपरासीको रामग्राम नगरपालिकाले अपाङगता भएकाहरुलाई न्यानो कपडा वितरण गरेको छ । चिसो बढ्दै गएपछि नगरपालिकाले पुर्ण अपाङगता भएकाहरुलाई न्यानो कपडा वितरण गरेको नगरपालिकाको विपद् व्यवस्थापन शाखाले जनाएको छ । दुई दिनको अवधिमा १सय २९ जनालाई न्यानो टोपी र कम्बल वितरण गरिसकिएको सुमित्रा चौधरीले जानकारी दिनुभयो । डेढ सय बढि रातो कार्ड पाएका अपाङगहरुलाई न्यानो कपडा वितरण गर्ने नगरपालिकाले जनाएको छ ।

चिसोको समयमा अपाङगता भएका व्यक्तिहरुलाई न्यानो भई बस्नुपर्ने आवश्यकतलाई मध्यनजर गरेर न्यानो कपडा वितरण गरेको नगर प्रमुख धनपत यादवले बताउनुभयो । उनिहरुको सहजताका लागी घरघरमै पुगेर न्यानो कपडा वितरण भईरहेको यादवले बताउनुभयो ।