बर्दघाटको धर्मबस्तिमा माघी महोत्सव,सस्कृती संरक्षणमा युवापुस्ता सक्रिय 

नवलपरासी

मगर समुदायको परम्परागत कला, संस्कृति, भेषभूषा, खानपान दैनिक जीवनमा प्रयोग गर्न नसके पनि केही वर्षयता मगर समुदायका युवा तथा अगुवाहरुले बर्दघाट १४ स्थित धर्मबस्तिमा माघी महोत्सवमार्फत सस्कृती संरक्षणको प्रयास गरेका छन् । नेपाल मगर संघ बर्दघाटको आयोजनामा माघी महोत्सव आयोजना गरिएको अध्यक्ष भरत कामु मगरले जानकारी दिनु भयो ।

महोत्सवमा मगर समुदायका परम्परगत समाग्रि प्रर्दशन गरिएको छ । महोत्सवमा नयाँ पुस्तालाई मगर समुदायका ईतिहासका विषयमा जानकारी गराउन विभिन्न भेषभुषा र परम्परागत सामाग्रिको प्रर्दशनी गरिएको छ।

माघिमा मगर भेषभुषामा सजिएका सांस्कृतिक प्रस्तुती र विभिन्न सामाग्रि राखिएका मगर समुदायका परम्परागत घरमा दर्शक लोभिएका छन् ।मगर समुदायको कला, संस्कृति र मौलिक नृत्य संरक्षण गर्न र भावी पुस्ताका लागि पनि महोत्सव प्रभावकारी वडा नम्बर १४ का अध्यक्ष सन्तबहादुर गाहले बताउनु भयो ।महोत्सवमा कलाकारहरुको प्रस्तुति समेत रहेको छ । स्थानिय युवाहरुको सक्रियतामा धर्मबस्तिमा माघी महोत्सव हुदै आएको छ । महोत्सवमा स्थानिय संघ सस्था,ब्य्वसायी,बर्दघाट नगरपालिकाको सहयोग रहेको छ ।