अन्तरविद्यालय अतिरिक्त क्रियाकलापको उपाधी गङ्गा माबिलाई

नवलपरासी

साविक दाउन्नेदेवी क्लस्टरका तीन वटा वडा अतर्गतका वडा नम्बर १४,१५ र १६ को संयुक्त आयोजनामा मंसिर १४ गतेबाट सुरु भएको तेस्रो अन्तर विद्यालय प्राथमिक तह खेलकुद तथा अतिरिक्त क्रियाकलापको आज समापन गरिएको छ ।
अतिरिक्त क्रियाकलापको उपाधी गङ्गा माबिले हात पारेको छ ।वडा नम्बर १५ मा रहेको आनन्द आदारभुत बिद्यालय दोस्रो भएको छ भने न्यु भिजन बोर्डिङ स्कुल तृतीय भएको छ ।समापन समारोहमा बोल्दै बर्दघाट नगरपालिकाका नगरप्रमुख शम्भुलाल श्रेष्ठले विद्यार्थीहरुलाई किताबी ज्ञान मात्रै नभै अतिरिक्त क्रियाकलाप पनि उतिकै आवश्यक रहेको बताउनु भयो ।

जनप्रतिनिधिका नजरबाट सस्थागत र सामुदायिक बिद्यालय प्रती कुनै भेदभाव नरहेको भन्दै श्रेष्ठले सामुदायिक बिद्यालयहरु पनि निजि बिद्यालय सग प्रतिस्पर्धा गर्न अब्बल भैसकेको उल्लेख गर्नुभयो ।अरुको देखासिकीमा आर्थिक रुपमा कमजोर हुने अबिभावकले चर्को शुल्क तिरेर आर्थिक बोझ नथप्न समेत अबिभावकलाई आग्रह गर्नु भयो ।

आमा बुवा नभएकी छात्रालाई पठनपाठनको सम्पुर्ण खर्च  ब्योहोर्ने नगर प्रमुखको घोषणा

सोही क्रममा बोल्दै नगरप्रमुख श्रेष्ठले बाबुआमा गुमाएकि आनन्द आधारभुत बिधालयमा अध्ययनरत छात्रा करुणा बिकलाई कक्षा १० सम्मको अध्ययनका लागि लाग्ने सम्पुर्ण खर्च नगरपालिकाले ब्योहोर्ने घोषणा गर्नु भएको छ ।

समापन समारोहमा बोल्दै नगर प्रवक्ता एवम् बर्दघाट १४ का अध्यक्ष सन्तबहादुर गाहले बिद्यार्थिहरुका लागि तिनवटा वडा मिलेर अतिरिक्त क्रियाकलाप आयोजना गरि फरक अभ्यासको थालनी गरेको बताउनु भयो ।बिधालय किताब र कक्षा कोठामा मात्रै सिमित नगराई यस्ता क्रियाकलाप आयोजना गरिदा बिद्यार्थीले रुचि अनुसारको फरक क्षमता प्रस्फुटन गर्ने अवसर प्राप्त हुने अध्यक्ष गाहाले बताउनु भयो ।

कार्यक्रमममा वडा नम्बर १५ का अध्यक्ष रुद्र आले,शिक्षा शाखा प्रमुख लोकराज पन्थी,विभिन्न संघ सस्थाका प्रतिनिधि,शिक्षक एवम् स्थानीयको उपस्थिती रहेको थियो ।

अतिरिक्त क्रियाकलापमा कुल २३ वटा बिधामा ११ वटा बिधालयको सहभागीता रहेको वडा नम्बर १४ का सचिव टङ्कनाथ भण्डारीले जानकारी दिनु भयो ।