बर्दघाटको चिसापानी बाट ६ सय बोरा चिनी र मोबाईलका सामान सहित दुई जना पक्राउ

शसस्त्र प्रहरीले भन्सार छलेर ल्याउदै गरेको ६ सय बोरा अवैध चिनीसहित २ जनालाई नियन्त्रणमा लिएको छ ।

बर्दघाट नगरपालिका ,२ चिसापानीमा भैरहवाबाट काठमाडौ जाँदै गरेको ना ८ ख १४७६ नम्बरको ट्रक खानतलासी गर्दा अवैध सामान बरामद भएको हो ।

सशस्त्र प्रहरी बल नेपाल २६ नम्बर गणका सशस्त्र प्रहरी उपरीक्षक प्रकाश वाग्लेका अनुसार बरामद भएको सामानको बजार मुल्य ६८ लाख रुपैयाँ रहेको छ । चिनी, मोबाइलका समान सहित ७ प्रकारको समान बरामद भएको छ ।

पक्राउ गरिएका ब्यक्ति र सामानलाई आवस्यक कारबाहीका लागि महेसपुर भन्सार पठाइएको छ । बिलबिजकमा उल्लेख भएको भन्दा फरक सामान ल्याइएको थियो । यो सामान कहाँ र कसरी जाँदै थियो भन्नेबारे अनुसन्धान भइरहेको छ ।कारबाहीका लागि आवश्यक प्रक्रिया अघि बढाईने महेशपुर भन्सारका प्रमुख बुद्धि कुमार चुडालले जानकारी दिनुभयो ।