बर्दघाट नगर प्रहरीलाई समुदाय बिपद स्वयंसेवक तालिम

नवलपरासी,पश्चिम

विपद् जोखिम न्यूनिकरण तथा प्रतिकार्य क्षमता अभिवृद्धिका लागि बर्दघाट नगर प्रहरीलाई समुदाय बिपद स्वयंसेवक तालिम दिईएको छ ।असार १ गते देखि सुरु भएको तालीम १९ दिन सम्म सञ्चालन हुने छ ।

बर्दघाट नगरपालिकाको आर्थिक सहयोगमा शसस्त्र प्रहरी बल ,नेपा सिमा सुरक्षा तालिम शिक्षालयले नगर प्रहरीलाई तालिम प्रदान गरिरहेको छ ।तालिमका लागि बर्दघाट नगरपालिकाले सम्झौता गरिएको प्रमुख प्रशासकीय अधिकृत प्रकाश खनालले जानकारी दिए ।नगर प्रहरीलाई आफ्नो सुरक्षा सगै नागरिकको सुरक्षामा खट्दा तालिम फलदायी हुने बिश्वास लिईएको खनालले बताए ।

नगर प्रमुख शम्भुलाल श्रेष्ठले अहिले बर्षायाम सुरु भएसगै विभिन्न किसिमका प्राकृतिक बिपदजन्य घटनाहरु आईपर्न सक्ने हुँदा नगरपालिकाले तालिमको ब्यवस्था गरिएको बताउनु भयो ।कम जनशक्तिलाई पनि कसरी समुचित प्रयोग गर्न सकिन्छ भन्ने कुरामा जोड दिएर नै तालिम दिईएको उनले बताए ।

तालिममा नगरप्रहरीलाई समुदायमा बिपदका समयमा कर्तव्य बोध सगै आफू सगै नागरिक लाई कसरी उद्दार गर्ने,स्थानिय तहमा बिपदका समयमा नगरप्रहरीक भुमिका कस्तो रहने,नागरिकको जिउ धनको सुरक्षा कसरी गर्ने लगायतका अभ्यास सहित सैद्धान्तिक ज्ञान समेत सिकाईने छ ।बर्दघाट नगर प्रहरी प्रमुख पिताम्बर सापकोटाले तालिम निकै ब्यवहारिक र उपयोगी भएकाले आगामि दिनमा थप सहज हुने बताए ।