जनताले नचाहेको काममा सरकारले हात हाल्दा निराशा बढ्छ :महामन्त्री थापा

नवलपरासी,पश्चिम्

नेपाली काङ्ग्रेसका महामन्त्री गगन थापाले सरकारले गर्ने कामकारबाहीमा काङ्ग्रेसले निरन्तर खबरदारी गर्नुपर्ने बताउनु भयो।

नागरिक असन्तुष्ट हुने काम सरकारले गर्न नहुने उहाँले बताउनुभयो। नेपाली काग्रेस पश्चिम नवलपरासीको प्रतिनिधि सभा क्षेत्र नम्बर २ को भेलामा बोल्दै सरकारले गरेका धेरै राम्रा कामहरु एउटा नराम्रो कामले ओझेलमा पर्ने भएकाले सरकारको कामकारवाहीमा नेपाली काङ्ग्रेसले निरन्तर खबरदारी गर्नुपर्ने बताउनु भएको हो ।

“सरकारले सुधारका कामहरू धेरै गरेको छ । तर , कहिले काही जनताले नचाहेको काममा हात हाल्न खोज्दा जनतामा निराशा बढ्ने रहेछ “थापाले भन्नुभयो”

“पार्टीका तर्फबाट मैले स्वयम् काग्रेस सभापति र प्रधानमन्त्री केपी शर्मा ओलीलाई संगै राखेर भनेको छु । अब हामीलाई जनता निराश बनाउने छुट छैन् ”

पूर्व स्वास्थ्य मन्त्री समेत रहनुभएका महामन्त्री थापाले प्रदेश लाई प्रयार्प्त अधिकार प्रत्यायोजन गर्न नसक्दा र अझै पनि केन्द्रिकरण मानसिकता भएकाले जनतामा प्रदेश संरचना प्रति असनतुष्टी रहेको उल्लेख गर्नु भयो ।

सङ्घीयताको विषयमा प्रश्न गर्नु भन्दा पनि सङ्घीयतालाई कसरी मजबुत बनाउने तर्फ केन्द्र देखि स्थानीय तहसम्म बहस हुन आवश्यक रहेको महामन्त्री थापाले बताउनुभयि । अहिले सम्म भएका उपलब्धीलाई घरमा बसेर केही सेकेण्ड सामाजिक सञ्जालमा आउने सामग्रीको भरमा भ्रम फैलाउने काम भैरहेकाले आफ्‌ना कार्यकर्ता र नेताले गाउँगाउँमा अहिले असल अभ्यासको विषयमा सर्वसाधारणलाई बुझाउन सक्नुपर्ने थापाको जिकिर थियो ।

कार्यक्रममा नेपाली काङ्ग्रेसका केन्द्रिय सदस्य देवेन्द्रराज कण्डेलले जिल्लामा पाटी भित्र देखिएको गुटिय अन्तरद्वन्दलाई मिलाएर पाटी एक बनाउनु पर्ने बताउनु भयो । केन्द्रिय सदस्य एवंम् प्रतिनिधी सभा १ का सांसद विनोद चौधरीले आफ्‌नो क्षेत्रमा विकास निमार्ण तथा नीतिगतरूपमा सुधार गर्नुपर्ने विषयमा तदारुकताको साथ काम गरिरहेको जिकिर गर्नु भयो ।