स्ववियु निर्वाचन : नवलपरासीका तिनवटै क्यापसमा नेविसंघ विजयी

नवलपरासी ,पश्चिम्

पश्चिम नवलपरासीमा स्ववियु निर्वाचन भएको तीन वटा क्याम्पसमा नेपाल विद्यार्थी संघका उम्मेदवार विजयी भएका छन् । त्रिभुवन क्याम्पस प्रतापपुरमा नेपाल विद्यार्थी संघका आदित्य गडेरी पाल अध्यक्षमा निर्वाचित भए।

एक जना सदस्यबाहेक अन्य सबै नेविसंघका उम्मेदवार विजयी भएको निर्वाचन अधिकृत रामप्रसाद भट्टराईले बताउनु भयो ।

सदरमुकाम परासीमा रहेको जिल्लाको सबैभन्दा पुरानो पाल्ही बहुमुखी क्याम्पसमा नेपाल विद्यार्थी संघका निरज धवलको प्यानल विजयी भएको छ। ३ सय २७ मत खसेकोमा धवलले १ सय १५ मत प्राप्त गरेका थिए। यसै गरेर दिब्यज्योती बहुमुखी क्यामपस बर्दघाटमा शशी विकको नेतृत्वमा रहेको नेपाल विद्यार्थी संघका प्यानल नै विजयी भएका छन् ।यस क्यापसमा १९ बर्ष पछि नेवि संघले आफ्नो बिरासत फर्काएको नेवि संघका जिल्ला अध्यक्ष कमल बस्यालले बताउनु भयो ।