सुनवलबाट अवैध गाईगोरु सहित ट्रक नियन्त्रणमा,दुई जना नियन्त्रणमा

नवलपरासी,पश्चिम्

पश्चिम नवलपरासिमा मापदण्ड विपरीत ढुवानी गरी लैजाँदै गरेको गाईगोरु सहित प्रहरीले दुई जनालाई पक्राउ गरेको छ । ट्रकमा लिजादै गरेको अवस्थामा १३ वटा गाई र ५ वटा गोरु सहित २ जना मानिसलाई नियन्त्रणमा लिएको प्रहरीले जनाएको छ ।

सुनवल नगरपालिका वडा नम्बर १२ हरकट्टा स्थित भित्री खण्डमा रूपन्देहीबाट हेटौडातर्फ जाँदै गरेको बागमती प्रदेश ०३—००१ ख ३४७५ नम्बरको मिनी ट्रकमा मापदण्ड विपरीत गाई र गोरुलाई ढुवानी गरी लैजाँदै गरेको अवस्थामा प्रहरीले चेकजाच गर्ने क्रममा दुई जनालाई ट्रक सहित नियन्त्रणमा लिईएको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक वीर दत्त पन्तले जानकारी दिनुभयो ।

पक्राउ पर्नेमा ट्रक चालक जिल्ला मकवानपुर हेटौडा उपमहानगरपालिका वडा नम्बर १३ पदमपोखरी बस्ने ४१ वर्षीय दिलक बहादुर गुरुङ र सहचालक जिल्ला रुपन्देही रोहिणी गाउँपालिका वडा नम्बर ६ पकडिहवा बस्ने ५० वर्षीय करिम रहेका छन ।नियन्त्रणमा लिईएका गाईगोरुहरुलाई सुनवल गौशालामा बुझाइएको प्रहरीले जनाएको छ ।

पक्राउ परेका ब्यक्तिहरुलाई पशुपन्छि सम्बन्धी कसुरमा १० दिन म्याद थप गरी अनुसन्धान अघि बढाईएको प्रहरीले जनाएको छ ।