दमकल,एम्बुलेन्स लिएर दौडिने देखि सर्प संरक्षण सँगै अनवरत सेवामा सक्रिय दुर्गा

नवलपरासी,पश्चिम्

“दुर्गा भाई,दुर्गा दाई,दुर्गा बाबू हाम्रो घरमा सर्प पस्यो तुरुन्तै आउनु पर्यो”उनको फोनको घण्टी बज्ने बितिकै अधिकांस यस्तै फोन आउँछ ।दिन होस या रातिको जुनसुकै समयमा उनी हरदम सेवामा सकृय हुन्छ्न ।उनको यो दैनिकी बनेको छ ।
बर्दघाट नगरपालिका वडा नम्बर ४ बस्ने दुर्गा लामिछाने बर्दघाट नगरपालिकामा हलुका सवारी चालकको रुपमा कार्यरत छन ।आपतकालीन समयमा आफुले सक्ने जुनसुकै काममा पनि अरुलाई सहयोग गर्न तम्सिहाल्छ्न ।अहिले उनी बर्दघाट नगरपालिकाको सर्प उद्दारकर्ता पनि हुन ।यति मात्रै होईन आगलागीका घटनामा समेत दमकल लिएर उनै दुर्गा दौडिन्छ्न ।

कोरोनाकालमा एम्बुलेन्स चालकको रुपमा आफ्नो स्वास्थ्यको प्रवाह नगरी उनले कयौको ज्यान बचाए ।अहिले पनि सर्प उद्दार गर्दै हिड्ने दुर्गाले कयौलाई सर्पदंशबाट बचाएका छन ।सर्पको उद्घार सगै पर्याबरण मात्रै होईन नागरिकको ज्यान जोगाउन जोखीम मोलेर भएपनी उनी सकृय छन ।अहिले सर्प उद्दारकर्ताको रुपमा दुर्गा परिचीत नाम बनेको छ ।उनी सबैका लागि लोकपृय छ्न ।

तराईमा सर्पदंशको बिगबिगि नै छ ।गर्मी समय सगै सर्प देखा पर्ने हुँदा उतिकै त्रास हुने गर्दछ।घरमा होस या अन्यत्र सर्प देख्ने बितिकै उनलाई खबर आईहाल्छ उनी प्लास्टिकको ड्रम र स्नेक स्टिक लिएर दौडिहाल्छ्न ।उनले सर्प मार्नु हुदैन यो हाम्रो पर्यावरणका लागि आवश्यक छ भन्ने जनचेतना समेत फैलाएका छन ।

समय र परिस्थिति अनुसार हरेक काममा घुलमिल हुने र सहर्ष स्वीकार गर्ने उनको बानीले उनी सबैको प्रिय् छ्न ।”मैले कोरोना महामारीमा बिरामी बोके,कोरोनाका कारण मृत्यु भएकाहरूको शव ब्यवस्थापनमा पनि जुटेँ,अहिले सर्प समाउदै हिड्छु म एउटा कर्मचारीको हिसाबले भन्दा पनि मेरो ठाउँ हो गर्नु पर्छ भन्ने लागेर गर्छु”उनले मुस्कुराउदै भने ।पछिल्लो समय सबैबाट सहयोग र राम्रो प्रतिक्रिया पाईरहेको उनी बताउँछन।अहिले बिभिन संघ सस्थाले उनलाई सम्मान गर्दै आईरहेका छ्न ।यसबाट निकै ठूलो आत्मसन्तुष्टि र सेवाप्रती थप उर्जा मिलेको उनको भनाई छ ।

बर्दघाट नगरपालिकाले सर्प संरक्षण सगै सर्पदंशबाट नागरिकलाई बचाउन कार्यमा खटिएको भन्दै उनलाई नियमित प्रोत्साहन भत्ता समेत उपलब्ध गराउँदै आएको छ ।”नगरपालिकाले निकै सहयोग गरेको छ यो नगरको पनि दायित्व हो,मेयरसाबले मलाई निकै सहयोग गर्नु भएको छ,आफ्नो निजि मोटरसाइकल दिनु भएको छ,काम मैले गरेपनी यसको श्रेय त मेयरसाबलाई पनि जान्छ नि,यो बाताबरण उहाँले नै मिलाईदिएको हो”उनले भने ।

“सबैको बुझाई एकै हुन्छ भन्ने छैन कुनै समय मलाई जागिर बाट निकाल्न समेत केही मान्छे लागे,तर मेयर साब मेरो काम प्रती सकारात्मक भएर हर प्रयासका बाबजुद पनि म जोगिए,सबैको साथ छ आफ्नो कर्म खाने हो ईमान्दारिता देखाउनु पर्छ,केही नहुन्जेल पो केही हुन्न फ्याट्ट टोक्यो भने त मेरो ज्यान जान पनि त सक्छ,त्यो कुरा सबैले सोच्दैनन “दुर्गाले भने ।

देखेको कुरा मनमा अड्याउन नसक्ने र तत्काल प्रतिकृया दिने बानिले केही उनको यो शैली प्रती असन्तुष्टि समेत जनाउँछ्न ।तर नजिक बाट जान्नेहरु उनलाई मेहनती,परिश्रमी र कमलो ह्र्दयको रुपमा बुझ्छन ।”उ अल्लि फरक स्वभावको पनि छ प्याट्ट बोलिहाल्छ तर काम प्रति ईमान्दार छ,जे काम परि आएपनी खटिहाल्छ,सबैको उद्दार गरेको छ देख्नु भएकै छ”दुर्गाका नजिकका साथी सन्तोष गुरुङले भने ।

दुर्लभ बिषालु रसेल्स भाईपर,गोमन,करेत,अजिङ्गर जस्ता सयौ सर्पको उद्दार गरेका दुर्गा अचेल सधैं ब्यस्त देखिन्छ्न ।घरमा,गोठमा र अप्ठ्यारो ठाउँहरुमा प्राय सर्प भेटिने हुनाले समात्न कठिनाई हुने गरेको भएपनि अचेल बानी पर्दै गएको उनको भनाई छ ।हालसम्म झण्डै ४ सय बढी सर्पको उद्दार गरिसकेको उनी बताउँछन ।