महिलाहरूलाई कानुनी साक्षरता तालिम

नवलपरासी,पश्चिम्

बर्दघाट नगरपालिकाको आर्थिक सहयोग एवं महिला अधिकार संगठन बर्दघाट १६ को आयोजनामा महिलाहरुका लागि ५ दिवसीय कानुनी साक्षरता तालिम आजबाट सुरु भएको छ ।

तालिमको उद्घाटन समारोहमा बोल्दै नगरप्रमुख शम्भुलाल श्रेष्ठले कानुनी साक्षरताले महिलाहरूलाई सक्षम बाउनुका साथै सामाजिक हिंसा र अन्न्याय विरुद्ध आत्मबल बढाउन प्रेरित गर्ने बताउनु भयो ।तालिम पश्चात् समुदायमा अन्यलाई पनि कानुनी परामर्श दिएर समाजमा घट्ने हरेक नकारात्मक घटनाहरुमा महिलाहरू एक भएर अघि बढ्नु पर्ने श्रेष्ठले बताउनु भयो ।समाजमा हुने जुनसुकै विभेद हिंसा स्विकार्य नहुने उल्लेख गर्दै नगरप्रमुख श्रेष्ठले गलत गर्ने जोसुकै भएपनी कानुनी दायरामा आउनु पर्नेमा जोड दिनु भयो ।

कार्यक्रममा बोल्दै नगरप्रवक्ता सन्तबहादुर गाह र वडा नम्बर १६ का अध्यक्ष भिमकाजी गुरुङले व्यक्तिको परिवार तथा समुदायमा देखापरेको कानुनी अड्चन तथा भोगेका समस्याहरूसँग सम्बन्धित मुद्दाहरू, सम्बन्ध विच्छेद, घरेलु हिंसा, बोक्सीको अपरोपमा गरिने अमानवीय व्यवहार, विवाहको परिणाम, परिवारिक सम्बन्धमा देखिने घटनामाथी आधारित रहेर धारणा ब्यक्त गर्दै अहिलेको समयमा सामान्य कानुनी ज्ञान सबैका लागि अपरिहार्य रहेको उल्लेख गर्नु भयो ।

यस तालिमबाट थाहा पाएका कानुनी कुराहरू आफ्ना घर परिवार तथा समुदायमा समेत जानकारी गराई अप्ठ्यारामा परेका महिलाहरुलाई सहयोग गर्न सकिने खालको बाताबरण तयार गर्नकालागी समेत तालिमको आयोजना गरिएको बताईएको छ ।नगरपालिकाले महिलाका सवालमा आगामी दिनमा समेत विभिन्न किसिमका प्रभावकारी कार्यक्रम ल्याईनु पर्ने एकल महिला समुहकी अध्यक्ष भिमा गिरीले बताउनु भयो ।

तालिममा ४० जना अगुवा महिलाहरूको सहभागीता रहेको र ५ दिन सम्म सञ्चालन हुने संगठनकी सचिव कमला गुरुङले जानकारी दिनु भयो ।कार्यक्रम महिला अधिकार संगठनकि अध्यक्ष दिल माया थापाको अध्यक्षतामा सुरु भएको हो ।आजको तालिमको सहजीकरण अधिवक्ता राजेन्द्र खनालले गर्नु भएको थियो ।