बर्दघाटमा भेटिएको १२ फिट लामो अजिङ्गरलाई निकुञ्जमा छाडियो

नवलपरासी,पश्चिम्

पश्चिम नवलपरासीको बर्दघाटमा फेला परेको १२ फिट लामो लोपोन्मुख अजिङ्गरलाई बर्दघाट नगरपालिकाका सर्प उद्धारकर्ता दुर्गा लामिछानेको सहयोगमा नेपाली सेनाको सहभागीतामा चितवन राष्ट्रिय निकुञ्जमा छोडिएको छ

बिहीवार बर्दघाट नगरपालिका ५ स्थित होमकुमारी थापाको घरमा फेला परेको अजिंगरलाई सर्प उद्धारकर्ता दुर्गा लामिछानेको सहयोगमा नियन्त्रणमा लिइएको थियो ।

केही दिन अगाडि बर्दघाटमा नै लोपोन्मुख राज गोमन फेला परेको थियो । निकै दुलर्भ मानिने राज गोमनलाई भारतका चर्चित सर्प उद्धारकर्ता मुरलीवाले हौसला सहितको उपस्थितिमा नियन्त्रणमा लिएर सुरक्षित स्थानमा छाडिएको थियो ।

बर्दघाट क्षेत्रमा पछिल्लो समय लोपोन्मुख सर्प देखिन थालेका छन् । एक महिना अगाडि बर्दघाटमा अति विषालु रसल भाइपर स्नेक (बाघे सर्प) भेटिएको थियो । यो सर्प लुम्बिनी प्रदेशको तराई भेगमा केही मात्रामा मात्र भेटिने गर्दछ । बर्दघाट-७ बेलहानीमा यो सर्प भेटिएको हो ।

स्थानीयले अजिंगर भनेर सर्प उद्धारकर्ता दुर्गा लामिछानेलाई बोलाएका थिए । हालसम्म ३ सय हाराहारीमा सर्पको उद्दार गरेको लामिछानेको भनाई छ ।सर्पको उद्दार सगै आम नगरबासिको जिउ ज्यानको समेत रक्षा भएको बर्दघाट नगरपालिकाका नगरप्रमुख शम्भुलाल श्रेष्ठले बताउनुभयो।नगरपालिकाले सर्प उद्दारकर्ता लामिछानेलाई प्रोत्साहन भत्ता समेत उपलब्ध गराउदै आएको छ ।